Приветствую Вас Հյուր!
ԿԱՏԵԳՈՐԻԱ
| Լուրեր [196] |
| Բնապահպանական [11] |
| Խմբագրական [5] |
| Քրեական [7] |
| Առողջապահական [5] |
| Սոցիալական [6] |
| Գյուղատնտեսություն [5] |
| Դատական [7] |
| Կրթություն [7] |
| Վիդեոսրահ [1] |
| Մշակույթ [5] |
| Մարզական [9] |
| Համայնք [21] |
Արխիվ
Поиск
Հղումներ
Տեսադարան
ՏԵՍԱՆԿՅՈւՆ
Մեր հարցումը
Եղ.տես./Տարադ.
Ստատիստիկա
Օնլայն: 2
Հյուրեր: 2
Օգտագործողներ: 0
Главная » 2010 » Մարտ » 3 » ՁԱԽՈՂՎԱԾ ԱՆԱՍՆԱԳՈՂՈւԹՅՈւՆ, ՍՊԱՆՎԱԾ ԱԴՐԲԵՋԱՆՑԻ ԿՈԹԻՈւՄ
23:24 ՁԱԽՈՂՎԱԾ ԱՆԱՍՆԱԳՈՂՈւԹՅՈւՆ, ՍՊԱՆՎԱԾ ԱԴՐԲԵՋԱՆՑԻ ԿՈԹԻՈւՄ | |
 Մարտի լույս 3-ի գիշերը Տավուշի մարզի սահմանամերձ Կոթի գյուղում գողացել էին Սարիման Մանթաշյանի 4 խոշոր եղջերավոր անասունը` 3 կովը եւ երինջը: Մանթաշյան ընտանիքը 7 խոշոր եղջերավոր անասունի տեր է: Գողությունից հետո, Կոթի մտնող ճանապարհի եզրին, գյուղի ծայրամասում գտնվող Մանթաշյանների անասնագոմում մնացել էր մի կով եւ եւ 2 մոզի:Մանթաշյան ընտանիքի անդամները գիշերը կասկածելի աղմուկ չէին լսել, բացի այն, որ կեսգիշերին անհանգիստ հաչել էր շունը: Ի դեպ, սովորաբար ագրեսիվ շունը առավոտյան թմրած վիճակում էր: Սարիմանը անասնագողության վտանգից տեղյակ լինելով` գոմի մուտքին երկու երկաթյա դուռ էր սարքել, սակայն անասնագողերը մուտք էին գործել տան մուտքի կողմից, իսկ անասունները հանել` հակառակ կողմից, գոմից: Սարիմանի որդին` երեք երեխաների հայր 41-ամյա Մեսրոպ Մանթաշյանը դեպքից հետո շատ էր հուզված, խոսելիս արտասվում էր.  -Մի ամսվա մեջ մեր ընտանիքում երեք վիրահատություն է կատարվել, երկու անգամ` ստամոքսի խոցից եւ ճողվածքից վիրահատվել է հայրս, կինս էլ գինեկոլոգիական վիրահատություն է տարել: Բանկից տոկոսով փող ենք վերցրել, պարտքի տակ ենք, ո՞նց ենք ապրելու:Առավոտյան ժամը 10-ին լինելով դեպքի վայրում` ականատես եղա մարզի իրավապահ համակարգի ղեկավարների եւ զինվորականների: Մանթաշյանների տան բակում նաեւ արյան հետք կար թափված: Տեղում իմացա, որ 4 անասնագողերից մեկին, մոտ 30 տարեկան ադրբեջանցու, գյուղում անասնագողության դեմ հերթապահություն կատարող ազգային բանակի հատուկ ստորաբաժանումների ծառայողները սպանել են: Անասնագողի դիակը գտնվում էր Իջեւանի հիվանդանոցի դիարանում: Հետաքրքիր էր մի հանգամանք` անասնագողությունը կատարվել էր Կոթիի վերեւի հատվածում, անասնագողը սպանվել էր գյուղի ներքին թաղում: Մարտի 3-ի Ժամը 13-ի դրությամբ գողացված անասունները գտնվել էին գյուղի վերեւի թաղամասում: Այդ ժամանակ Կոթիի գյուղապետարանի առաջ մեծ թվով զինվորականներ, իրավապահներ էին խմբված: Նրանք վերադասից համապատասխան առաջադրանք էին ստանում: Իրավապահ ղեկավարները ինձ հավաստիացրին, որ անասնագողերի դեմ միջոցառում է ձեռնարկվում, եւ հավանական են նոր բացահայտումներ: Մեր տվյալներով` գյուղի որոշ տներում խուզարկություններ էին կատարվել: Նշենք, որ վերջին շրջանում Նոյեմբերյանի սահմանագոտում անասնագողերը ակտիվություն էին ցուցաբերել. փետրվարի լույս 27-ի գիշերը Ոսկեպարում փորձել էին գողանալ Վազգեն Ստեփանյանի անասունները, սակայն տանտիրոջ շան հաչոցը փախուստի էր մատնել գողերին: Վերջիններս անասունները տանելու համար արդեն հատել էին Ստեփանյանի այգու ցանկապատի մետաղյա լարերը: Մարտի լույս 3-ի գիշերը Ոսկեպարի բնակիչ Խալաթ Պապյանը իր տան մոտ նկատել է անծանոթի (հավանական է`անասնագողի) -Ո՞վ ես,-հարցրել է տանտերը: -Ես եմ,- հայերեն պատասխանել է մթության մեջից մեկը եւ փախուստի դիմել: Ոսկան Սարգսյան | |
|
| |
| Всего комментариев: 1 | ||
| ||
"Տեսանկյուն" © 2024 | 