Լուրեր [196] |
Բնապահպանական [11] |
Խմբագրական [5] |
Քրեական [7] |
Առողջապահական [5] |
Սոցիալական [6] |
Գյուղատնտեսություն [5] |
Դատական [7] |
Կրթություն [7] |
Վիդեոսրահ [1] |
Մշակույթ [5] |
Մարզական [9] |
Համայնք [21] |
16:13 Դիլիջանի Օրհուս կենտրոնում նշվեց ՁԻԱՀ/ՄԻԱՎ-ի դեմ համաշխարային պայքարի օրը | |
Դիլիջանի Օրհուս կենտրոնում անցկացվեց ՙՁԻԱՀ. ծագման աղբյուրները և հետևանքները՚ թեմայով սեմինար: Նպատակն էր մասնակիցներին ներկայացնել համաճարակի նախապատմությունը, տարածման եղանակները և հետևանքները, դրանից խուսափելու ճանապարհները: Սեմինարը վարում էր բժշկական քոլեջի դասախոս Ա.Մեջլումյանը: Նա հանգամանորեն ներկայացրեց վարակի ծագման տարեգրությունը, դրան հակազդելու եղանակները, կանխարգելիչ միջոցառումների անհրաժեշտությունը: Բացատրվեց, որ ՄԻԱՎ-ի ձեռքբերումը կախված է մարդու կենսակերպից, առօրյա վարքագծից: Ոչ պատշաճ վարքագիծը հանգեցնում է վարակով հիվանդանալու ռիսկի: Հիմնականում ռիսկային խմբում են հայտնվում երիտասարդները, որոնք վարում են անկանոն սեռական կյանք, օգտագործում են թմրամիջոցներ օգտագործված ներարկիչներով: Զգալի տոկոս են կազմում պատահական սեռական ճանապարհներով վարակակիրների թիվը, վիրուսը մորից մանկանը թոխանցված դեպքերը: Մանրամասն ներկայացվեց հիվանդության շրջափուլերը` ՄԻԱՎ-ից դեպի ՁԻԱՀ, գաղտնի շրջանը, և թե որ ճանապարհներով է ավելի շատ գրանցվում վարակի տարածումը, ինչպես է մարդու իմուննային համակարգը խաթարվում վիրուսի ներթափանցման հետևանքով: Աշխարհում այսօր վարակակիրների թիվը 33 մլն-ից ավելի է: Առավել խոցելի են աֆրիկյան երկրները: ՀՀ-ում, ըստ տվյալների, արդեն վարակվածների թիվը հատել է 1000-ի սահմանը, գրանցված է 200 մահացու դեպք: Հիվանդության նախօրոք աղտորոշումը հնարավորություն կտա որոշակիրորեն քայլեր ձեռնարկել այն կանխելու ուղղությամբ: Մեծ դեր է կատարում վարակի կանխարգելման ուղղությամբ հանրային իրազեկության բարձրացումը: Կարևոր է, որ պետական ծրագրեր են գործում վարակը ժամանակին կասեցնելու նպատակով: Այնուամենայնիվ անհրաժեշտ է, որ յուրաքանչյուր ոք գիտենա վարակից պաշտպանվելու եղանակները, մասնակցություն ցուցաբերի դրա դեմ ուղղված քարոզարշավներին: Կարևորվեց նաև այն հանգամանքը, որ այդ հիվանդությունը կրող անձիք ունեն հոգատարության և խնամքի կարիք և նրանց նկատմամբ ցանկացած խտրական դրսևորում ավելի է խաթարում նրանց հոգեվիճակն ու տառապանքները: Արարատ Ալիխանյան Դիլիջանի բնապահպանական տեղեկատվության հասարակական (Օրհուս) կենտրոնի համակարգող
| |
|
Всего комментариев: 0 | |