Приветствую Вас Հյուր!
Հինգշաբթի, 2024.Մարտ.28, 18:10
Главная | Регистрация | Вход | RSS

Մենյու

Օրացույց

«  Դեկտեմբեր 2009  »
ԵկԵրՉրՀնՈւբՇբԿր
 123456
78910111213
14151617181920
21222324252627
28293031

Поиск

Մուտք

Հղումներ

Տեսադարան

ՏԵՍԱՆԿՅՈւՆ

Մեր հարցումը

Արդյո՞ք սահմանամերձ գյուղերում անասնագողությունները կբացահայտվեն
Պատասխանների թիվը: 260

Եղ.տես./Տարադ.

Exchange Rates of Armenian Dram (AMD)

Ստատիստիկա


Օնլայն: 2
Հյուրեր: 2
Օգտագործողներ: 0
Главная » 2009 » Դեկտեմբեր » 25 » Իջեւանյան փակուղի
22:03
Իջեւանյան փակուղի
Հոկտեմբերի 6-ին Իջեւան համայնքի ավագանու 13 անդամներից 8-ը ոչ թափանցիկ աշխատաոճի համար անվստահություն է հայտնել քաղաքապետ Վարուժան Ներսիսյանին: Դրանից հետո լարվածությունը ավագանի-քաղաքապետ հարաբերություններում խիստ մեծացել է:

Իջեւանի քաղաքապետ Վարուժան Ներսիսյանը փորձել է դեկտեմբերի 10-ին ավագանու նիստ հրավիրել: Տեղական «Իջեւան ստուդիա» հեռուստաընկերության լրատվական թողարկման ընթացքում հայտարարություն է տրվել, որ այդ նիստում քննարկվելու է Իջեւան քաղաքի 2010թ. բյուջեի նախագիծը: Մինչդեռ ՏԻՄ օրենքի 55-րդ հոդվածի համաձայն բյուջեի նախագիծը ավագանու անդամներին է ուղարկվում քննարկումից առնվազն մեկ շաբաթ առաջ: Ավագանու անդամների մեծամասնությունը նիստ հրավիրելու մասին պատշաճ ձեւով չի տեղեկացվել:

Ավագանու անդամներ Վարդան Ղալումյանից, Սուրեն Մանուկյանից եւ ուրիշներից տեղեկացա, որ նիստին ներկայացել են լոկ ավագանու երկու անդամ` քաղաքապետի եղբայր, «Իջեւանի բժշկական կենտրոնի» տնօրեն Հրաչ Ներսիսյանը եւ քաղաքապետի քարտուղարուհու քույր Նարինե Գրիգորյանը:

Վարուժան Ներսիսյանը դեկտեմբերի 10-ին կրկին «Իջեւան ստուդիայով» հայտարարություն է տվել դեկտեմբերի 12-ին ավագանու նիստի անցկացման մասին: Ավագանու անդամների մեծ մասը կրկին օրենքով սահմանված կարգով չի ծանուցվել այդ նիստի վերաբերյալ, ուստի չի ներկայացել: Այս անգամ նիստին մասնակցել է ավագանու 5 անդամ` ավագանու վերոնշյալ 2 անդամներին միացել են Վարդան Ծերունյանը, Նարեկ Օհանյանը եւ Նիկոլ Ղալթախչյանը:

Ամանորի տոնակատարության հետ կապված մի քանի հարցեր են քննարկվել եւ որոշումներ ընդունվել: Քաղաքապետը հայտարարել է նիստերից անհարգելի
բացակայելու պատճառաբանությամբ ավագանու անդամ Արտակ Խաչատրյանին լիազորություններից զրկելու վերաբերյալ:

Սակայն նա ունե՞ր նիստ հրավիրելու եւ որոշումներ ընդունելու իրավունք, որովհետեւ այդ ժամանակ Իջեւանի ավագանու կազմում կար 10 անդամ, մինչդեռ քվորում կարող էր ապահովել միայն ավագանու անդամների կեսից ավելիի ներկայության դեպքում: Հիշեցնեմ, որ ավագանու նիստերի թվի կեսից ավելիից անհարգելի բացակայելու պատճառաբանությամբ նոյեմբերի 11-ին Վ. Ներսիսյանը հայտարարել էր ավագանու 3 անդամներին` Վարդան Ղալումյանին, Վարդան Օրդինյանին եւ Էդգար Ասլանյանին լիազորություններից զրկելու մասին:

Քաղաքապետի այս գործողությունները կարելի է դիտարկել որպես 13 հոգանոց ավագանուց իրեն անվստահություն հայտնած անդամներին ավագանու կազմից հանելու եւ թվով ավելի փոքր, բայց իր կողմնակից ավագանի ունենալու ձգտում:

Ավագանու վերոհիշյալ 3 անդամները, որոնք ավագանու այս տարվա նիստերի վերաբերյալ օրենքով սահմանված կարգով պատշաճ չեն տեղեկացվել, քաղաքապետի այդ որոշումը բողոքարկել են Սեւանի վարչական դատարան: Մեր տեղեկություններով, Վարուժան Ներսիսյանի որոշումը դատարանում կբողոքարկի նաեւ Արտակ խաչատրյանը:

Ավագանու 3 անդամների հայցի քննարկումը կկայանա փետրվարի 3-ին` Սեւանի վարչական դատարանում: Ուշագրավ է, որ դատը 10 օրով հետաձգելու խնդրանք է ներկայացրել Վարուժան Ներսիսյանը: Հավանաբար նա տեղյակ է, որ դատը վարող դատավորը մեկ ամսով արձակուրդ պիտի գնա, եւ դատը հետաձգելն, ըստ երեւույթին, քաղաքապետի կողմից ժամանակ շահելու միտում ունի:

Դեկտեմբերի 21-ին, ժամը 10-ին պետք է կայանար Իջեւան համայնքի ավագանու նիստ: Նիստի օրակարգում քաղաքի 2010թ. բյուջեի նախագծի քննարկումն էր: Երբ տողերիս հեղինակը փորձում էր մտնել քաղաքապետի աշխատասենյակ, ուր սկսվել էր ավագանու նիստ, լրագրողի առաջը փակեցին քաղաքապետարանի աշխատակիցները: Այս գործում հատկապես ակտիվ էր քաղաքապետի տեղակալ Կարեն Օթարյանը եւ քաղաքապետարանի աշխատակից Արտակ Սարհատյանը:

Նրանք «դոշները դեմ արած» փակել էին քաղաքապետի դուռը: Քաղաքապետի ընդունարանում եղավ վիճաբանություն: Քաղաքապետարանի աշխատակիցները քաղաքապետի դռան առաջը փակ պահելով` լրագրողիս հնարավորություն չտվեցին մասնակցելու ավագանու նիստին, որը բաց է ոչ միայն լրագրողների, այլեւ` բոլոր քաղաքացիների առաջ:

Ակնհայտ էր, որ այդ ապօրինությունը կատարվում էր քաղաքապետի հրահանգով: Վերջինիս ամենայն հավանականությամբ դուր չէր եկել «Հետքում» ավագանու նոյեմբերի 11-ի նիստի լուսաբանումը: Շուրջ մեկ ժամ անց հայտնվեցին նաեւ ոստիկանները, ովքեր, սակայն, առաջին հարկից վերեւ չբարձրացան: Իսկ քաղաքապետի աշխատասենյակում ավագանու 6 անդամներ էին: Քաղաքապետ Վարուժան Ներսիսյանն ընթերցել է իր հերթական որոշումը` ավագանու նիստերի կեսից ավելիին անհարգելի բացակայելու պատճառաբանությամբ Վահե Ղալումյանին ավագանու անդամի լիազորություններից զրկելու վերաբերյալ:

Վերջինս նույնպես պատրաստվում է այս վճիռը բողոքարկել դատարանում: Դրանից հետո նիստից դուրս են եկել ավագանու անդամ Գրիգոր Դանիելյանը, Սուրեն Մանուկյանը եւ Նարեկ Օհանյանը, նիստը փաստորեն չի կայացել: Ուշագրավ է, որ նիստում Վ. Ներսիսյանն այդպես էլ չի հայտարարել ավագանու անդամ Նիկոլ Ղալթախչյանի դիմումի մասին, ով բնակության վայրը փոխելու պատճառաբանությամբ այդ նիստից 4 օր առաջ դիմել էր իր լիազորությունները դադարեցնելու խնդրանքով:

Նշենք, որ Նիկոլ Ղալթախչյանը չէր ստորագրել Վ. Ներսիսյանին անվստահություն հայտնելու որոշման տակ: Ստեղծված իրավիճակում օրենքով նախատեսված Իջեւանի ավագանու կազմի (15 անդամ) կեսից ավելիի լիազորությունների դադարեցման պատճառով Իջեւան համայնքի ավագանին պետք է լուծարվի:

Որպես քաղաքապետի կողմից վրեժխնդրություն կարելի է դիտարկել իրեն անվստահություն հայտնելուց հետո ապօրինի շինարարության համար ավագանու անդամներ Վարդան Օրդինյանին եւ Գրիգոր Դանիելյանին տուգանելու Իջեւանի քաղաքապետարանի որոշումները: Վերջիններս պետք է տուգանվեին 200 հազարական դրամով: Նրանք բողոքարկել են քաղաքապետարանի որոշումները:

Վարուժան Նեսիսյանը ստիպված է եղել նահանջել. Վարդան Օրդինյանը եւ Գրիգոր Դանիելյանը քաղաքապետարանից գրություն են ստացել այն մասին, որ ստուգումները պարզել են` վերջիններս չեն իրականացրել ապօրինի շինարարություն:

Փաստորեն, այժմ Իջեւանի ավագանին փաստորեն 7 անդամ ունի, որոնցից 3-ը պահանջել էին քաղաքապետի հրաժարականը: Սա անհնար է դարձնում քաղաքի վերաբերյալ որոշումների ընդունումը: Իսկ իշխանություններն էլ ձեւացնում են, թե ոչինչ չի կատարվում: Սակայն չէ որ այս ամենը ոչ թե ծայրամասային փոքրիկ գյուղում է կատարվում, այլ` Տավուշի մարզկենտրոնում:

Ոսկան Սարգսյան
Категория: Լուրեր | Просмотров: 1138 | Добавил: qamut | Рейтинг: 3.5/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Бесплатный Онлайн Сервис