Լուրեր [196] |
Բնապահպանական [11] |
Խմբագրական [5] |
Քրեական [7] |
Առողջապահական [5] |
Սոցիալական [6] |
Գյուղատնտեսություն [5] |
Դատական [7] |
Կրթություն [7] |
Վիդեոսրահ [1] |
Մշակույթ [5] |
Մարզական [9] |
Համայնք [21] |
17:48 Տավուշում խաղողի մթերումը նոր է սկսվում | |
Սեպտեմբերի 28-ից Երեւանի կոնյակի գործարանի Բերդի ընդունման կետը խաղող է ընդունում: Առաջին երկու օրերին հանձնվել է շուրջ 50 տոննա բերք: Բերդի ընդունման կետը շուրջ 4000 տոննա խաղող կմթերի: Ընդունման գինը 120 դրամ է: Տավուշի մարզպետարանի աշխատակազմի գյուղատնտեսության եւ բնապահպանության վարչության պետ Ռազմիկ Մելիքջանյանի վկայությամբ` Երեւանի շամպայն գինիների գործարանի Դեբեդավանի ընդունման կետը հոկտեմբերի 2-ից սկսած, ընդհանուր քանակով 1000-1500 տոննա հումք կընդունի: Բերդավանի գինու գործարանն էլ նախատեսում է 500-1000 տոննա խաղող ընդունել: Այստեղ բերքի ընդունումը նախատեսվում է հոկտեմբերի 5-ից: Ակնկալվում է, որ այս գործում Բերդավանի գինու գործարանի սեփականատերը կհամագործակցի Գագիկ Ծառուկյանի հետ: Պ-Մելիքջանյանին հարցրի Աչաջուր, Այգեհովիտ, Դիտավան, Վազաշեն, Պառավաքար եւ Վարագավան գյուղերի վերջերս կարկտահարված խաղողի ճակատագրի մասին: Գյուղվարչության պետն ասաց, որ կարկտից քիչ վնասված խաղողը Բերդի ընդունման կետը ընդունում է, իսկ առավել կարկտահարված խաղողից գյուղացիներն օղի են թորում:
Իջեւանի գինու գործարանի տնօրեն Անդրեյ Սարգսյանից տեղեկացա, որ գործարանը Տավուշի մարզում մթերումը կսկսի հոկտեմբերի 3-ին, ընդհանուր առմամբ կընդունվի 500-600 տոննա` կգ-ը 90-140 դրամով: 140 դրամով կընդունվի «Սապերավիե տեսակի խաղողը, 110 դրամով` կարմիր եւ սեւ գույնի խաղողը, 90 դրամով սպիտակ` "Բանանց", "Ռիկացիթելի", "Լարվար" սորտերը: Պ-ՆՍարգսյանի հարցրի, թե 90 դրամը ցածր չէ՞ խաղողի նախապես հայտարարված ընդունման գներից, նա էլ հակադարձեց` տեղյա՞կ եք, որ Արարատյան դաշտում 80-100 դրամով խաղող է ընդունվում: Ի դեպ, Իջեւանի գինու գործարանը Արարատյան դաշտում կգ-ը 100 դրամով արդեն 50 տոննա կարմիր խաղող է ընդունել, եւս 100 տոննա էլ կընդունի: Այս տարվա սկզբին Իջեւանի գինու գործարանի սեփականատերը փոխվել է: Հիմա ու՞մ ձեռքին է գործարանի բաժնետոմսերի վերահսկիչ փաթեթը: Այս հարցին գործարանի տնօրենը չցանկացավ պատասխանել: Ոսկան Սարգսյան | |
|
Всего комментариев: 0 | |