Главная » 2009 » Հուլիս » 29 » Դիլիջան քաղաքի սողանքները և դրանց կանխարգելումը՚. սեմինար Դիլիջանի Օրհուսի կենտրոնում

---

10:24 Դիլիջան քաղաքի սողանքները և դրանց կանխարգելումը՚. սեմինար Դիլիջանի Օրհուսի կենտրոնում

Հուլիսի 24-ին Դիլիջանի Օրհուս կենտրոնում տեղի ունեցավ ՙԴիլիջան քաղաքի սողանքները, վտանգավորությունը և հնարավոր պայքարը դրանց դեմ՚ թեմայով սեմինար: Սեմինարը վարեց ԵՊՀ աշխարհագրության ֆակուլտետի մագիստրատուրայի ուսանող Տ.Քեռյանը : Նպատակն էր ներկայացնել սողանքների առաջացման պատճառները, հնարավոր հետևանքները և դրանց կանխարգելման տարբերակները:   Հրավիրված էին Դիլիջանի փոխքաղաքապետ Ա.Մակարյանը, քաղաքապետարանի համապատասխան բաժինների աշխատակիցներ, ուսանողներ, ՀԿ-ների ներկայացուցիչներ, բնապահպանական ՙԱրևորդի՚ և այլ բնապահպանական ակումբների անդամներ, աշակերտներ, համայնքի բնակիչներ, կենտրոնի խորհրդի անդամներ: Թեման ներկայացվում էր համակարգչային սլայդների օգնությամբ: Մասնակիցներին ծանոթացվեց ,,սողանք,, հասկացությունը, բաղկացուցիչ մասերը, առաջացման հիմնական ազդակները` լանջի թեքություն, գրունտային ջրեր, սեյսմիկ տատանումներ, հորդառատ տեղումներ և ձյան հալոցք:  Գծապատկերների և լուսանկարների օգնությամբ ներկաները իմացան ՀՀ-ի տարբեր շրջաններում սողանքների տարածման շրջանների և վերջին տարիներին դրանց ակտիվացման հիմնական գործոնների, ինչպես նաև Դիլիջանի և շրջակա գյուղերի տարբեր հատվածներում` Բլդանի, Հովվաջրի, Պարզ լճի և Հաղարծնի սողանքային վայրերի մասին: Ընդգծվեց, որ ՀՀ-ում հաշվված է մոտ 5460 հա սողանքային գոտում հայտնված հողատարածք և ամեն տարի պատճառվում է մոտ 30 մլն ԱՄՆ դոլար վնաս: Սեմինարավարը անդրադարձավ հակասոողանքային միջոցառումների կազմակերպման եղանակներին և առաջարկեց հետևյալ ճանապարհները. * Բարելավել ՙԱռավել սողանքավտանգ թաղամասերի՚ ջրամատակարարման և ջրահեռացման կոմունիկացիաները` ջրի մուտքը երկրի խորք կանխելու համար  * խուսափել սողանքային զանգվածների վրա գտվող այգիների ոռոգումից  * ճանապարհների ամրացումը և պատնեշումը` ցնցումները թուլացնելու համար  * լանջերի անտառապատումը  Տեղի ունեցավ նաև ակտիվ քննարկում, որի ընթացքում մասնակիցները հարցեր ուղղեցին սեմինարավարին ու տեղական իշխանության մարմինների ներկայացուցիչներին, որոնք խոսեցին նաև քաղաքի սողանքների կանխարգելման հնարավոր ուղիների մասին:  Արարատ Ալիխանյան Դիլիջանի Օրհուս կենտրոնի համակարգող Վեբ.կայք. www.aarhus.am Էլ.փոստ. info_dilijan@aarhus.am հեռ.(+374268)2-31-38, բջջ.(+37491)727941

1 2 3 4 5 Категория: Բնապահպանական | Просмотров: 1562 | Добавил: qamut | Рейтинг: 5.0/2

Всего комментариев: 1
Порядок вывода комментариев: По умолчанию Сначала новые Сначала старые 1 B.A   (2009.Հուլիս.29 23:34) 0 Shat hetaqrqir tema e qnnarkvel: Irok , soxanqnery shat en vtangavor darcel Tavushi marzi hamar: