2008թ. նոյեմբերի 24-ին Իջեւան քաղաքում առանձնակի դաժանությամբ սպանվել էր քաղաքի բնակիչ, Իջեւանի շուկայում տարադրամի փոխանակությամբ զբաղվող Վալերի Աղինյանը, նրանից հափշտակել էին 17 միլիոն դրամին համարժեք գումար: Սույն գործով դատավարությունը Իջեւանում, Տավուշի մարզի առաջին ատյանի դատարանում ընթանում էր այս տարվա մայիսի վերջից: 2009թ. սեպտեմբերի 16-ին Տավուշի մարզի առաջին ատյանի դատարանը( դատավոր` Ռաֆիկ Մելքոնյան) ՀՀ քրեական օրենսգրքի 175 հոդվածի 3-րդ մասին 1-ին կետով եւ 104 հոդվածի 2-րդ մասի 3-րդ , 5-րդ, 7-րդ եւ 8-րդ կետերով 1977թ. ծնված Արտակ Միշայի Ճաղարյանին եւ 1963թ. ծնված Սամվել Գրիգորի Չապուխյանին դատապարտեց ցմահ ազատազրկման: Դահլիճը դատավճիռները դիմավորել է ծափահարություններով: