Приветствую Вас Հյուր!
ԿԱՏԵԳՈՐԻԱ
| Լուրեր [196] |
| Բնապահպանական [11] |
| Խմբագրական [5] |
| Քրեական [7] |
| Առողջապահական [5] |
| Սոցիալական [6] |
| Գյուղատնտեսություն [5] |
| Դատական [7] |
| Կրթություն [7] |
| Վիդեոսրահ [1] |
| Մշակույթ [5] |
| Մարզական [9] |
| Համայնք [21] |
Արխիվ
Поиск
Հղումներ
Տեսադարան
ՏԵՍԱՆԿՅՈւՆ
Մեր հարցումը
Եղ.տես./Տարադ.
Ստատիստիկա
Օնլայն: 1
Հյուրեր: 1
Օգտագործողներ: 0
Главная » 2009 Սեպտեմբեր 29 » Կովերն`ականների վրա
11:23 Կովերն`ականների վրա | |
 Սեպտեմբերի 28-ին, ժամը 16-ի սահմաններում Նոյեմբերյանի տարածաշրջանի Ոսկեվան գյուղի բնակիչների երեք կով պայթել է հայ-ադրբեջանական սահմանագոտու ականների վրա: 79-ամյա Վազգեն Մարգարյանը, այդ օրը, որպես իրենց թաղի հերթապահ նախրապան, արածեցնում էր 43 կովից բաղկացած նախիրը: Անընդհատ անձրեւ էր, մառախուղ: Նախրից 16 կով, տավարած Վ. Մարգարյանի հսկողությունից դուրս մնալով` թեքվել է աջ եւ հայտնվել հայ-ադրբեջանական սահմանին մոտ ականապատ դաշտում: Ոսկեվանի գյուղապետարանից տեղեկացանք, որ Ղազախի շրջանի Ղուշչի Այրում գյուղի սահմանից ոչ հեռու, ականապատ տարածքում պայթել են ոսկեւանցիներ Ռաֆիկ Ավագյանի, Բաբկեն Ալեքսանյանի եւ Վաչագան Մարգարյանի կովերը: Վերջինս Վազգեն Մարգարյանի որդին է: Ականի վրա պայթած, ոտքերը կորցրած 3 կովը մինչ այժմ գտնվում են սահմանագոտում` անօգնական վիճակում: Անասնատերերից Ռաֆիկ Ավագյանը դեպքից հետո փորձել է ձայն տալով կանչել, ականապատ դաշտից դուրս հանել վիրավոր իր կովը, սակայն ոչինչ չի ստացվել: Մի քանի օր առաջ, սեպտեմբերի 26-ին, Ոսկեպար գյուղի սահմանագոտում, Ոսկեպար գետի աջ ափին ականապատված վայրում, ականի վրա պայթել է գյուղի բնակիչ Արտեմ Մանուչարյանի մոզին: Հակահետեւակային ականի գործելու հետեւանքով ոտքից զրկված անասունը մինչ այժմ կենդանի` այնտեղ է: Վերջին մի քանի տարում Ոսկեպարի սահմանամերձ տարածքում, ականների վրա խոշոր եղջերավորների պայթելու, դրա հետեւանքով անասունների կորստի այլ դեպքեր էլ են եղել` նաեւ նույն Արտեմ Մանուչարյանի նախրապան եղած ժամանակ: Զարմանալի է, սակայն սահմանագոտում տեղադրված ականներին միայն մեր սահմանային բնակավայրերի առանց հսկողության մնացած անասուններն են բախվում: Մանրամասնենք ասվածը: Սեպտեմբերի լույս 16-ի գիշերն անհայտ անձինք հափշտակել են Ոսկեվանին հարեւան, սահմանամերձ Բաղանիս գյուղի 65-ամյա բնակիչ Հրանտ Եդիգարյանի 26 գլուխ խոշոր եղջերավոր անասունը: Այդ գողության հետքերը, ըստ ոստիկանության հաղորդագրության, տանում են դեպի Ադրբեջանի Ղազախի շրջանի Ղուշչի Այրում գյուղ: Գիշերը, խոր մթության մեջ, մեր սահմանապահների դիրքերից ընդամենը 200 մ հեռավորությամբ, սահմանն անցկացրել են նախիրը, եւ ոչ մի կով չի պայթել ականների վրա: Դրամից 7 ամիս առաջ, փետրվարի լույս 21-ի գիշերը Ոսկեվանում գողացել են Էդիկ Գարդիշյանի 6 կովը , 5 ցլիկը եւ հորթը: Այդ նույն գիշերը հափշտակել են նաեւ ոսկեվանցի Սեյրան Մելքոնյանի 2 կովը: Գրեթե երկու ամիս անց, ապրիլի լույս 18-ի գիշերը անասնագողերը առեւանգել են նույն Էդիկ Գարդիշյանի երկու ձին: Բոլոր այս անասնագողությունները մինչ այժմ չբացահայտված են մնում: Հրանտ Եդիգարյանի, էդիկ Գարդիշյանի, Սեյրան Մելքոնյանի գողացված անասունները եւս քշվել են Ղուշչի Այրում: 2008թ. հունիսի 10-ին Բաղանիսի բնակիչ Բաղիշ Հարությունյանի 104 ոչխարի, 40 գառի եւ 6 այծի գողության հետքերը նույնպես Ղուշչի Այրում են տանում : Մտատանջվելու խնդիր կա ` ինչու՞ սահմանագոտու ականնների վրա Նոյեմբերյանի գյուղերից հափշտակված անասունները եւ դրանց առեւանգողները չեն պայթում: Միգուցե, փորձված անասնագողերը, ի տարբերություն հայ նախրապանների, նախօրոք գիտե՞ն դրանց տեղադրման տեղերը: Սա հարց է, որ տարիներ շարունակ հուզում է Նոյեմբերյանի տարածաշրջանի սահմանային բնակավայրերի հազարավոր բնակիչների: Ոսկան Սարգսյան | |
|
| |
| Всего комментариев: 0 | |
"Տեսանկյուն" © 2024 | 