Տավուշի մարզպետի խորհրդական Լյուբիկ Չիբուխչյանը  պոեմներ է նվիրել Վլադիմիր Պուտինին, Պետրոս Մեծին, Սերժ Սարգսյանին եւ այլն, ստեղծել է մարտարվեստի նոր ոճ, որն  իր ազգանվան սկզբնատառերով ՙՉիբու՚ է կոչել, նա լավ երգում է եւ այլն : Հոկտեմբերի 20-ին Երեւանում ժողովրդական արվեստի թանգարանում բացվել է ցեղասպանությանը նվիրված Չիբուխչյանի քառյակների ցուցադրությունը: Քառյակները լամինապատ թղթով  են, հայերեն, նաեւ` անգլերեն թարգմանությամբ: Տպագրված յուրաքանչյուր քառյակի հետ ՀՀ զինանշանն  է եւ բնության մի պատկեր: Ցուցադրությունը տեւել է 15 օր, ամեն  օրվա  համար թանգարանի տնօրեն, մշակույթի նախկին նախարար Հովիկ Հովեյանը 200 հազար դրամ է պահանջե : Լյուբիկ Չիբուխչյանի խոսքերով, սակայն,  թանգարանին ընդամենը 30 հազար  դրամ են վճարել, որը նվիրել է Տավուշի մարզպետ Արմեն Ղուլարյանը: Մարզպետի խորհրդականը սակայն դժգոհ է, որ մայրաքաղաքի լրատվամիջոցները անուշադրության են մատնել հայոց եղեռնին նվիրված իր ստեղծագործությունները: Թանգարանի բացման առիթով  մարզից Երեւան մեկնած  մտավորականներն էլ առանց հյուրասիրության  են մնացել:

"ՏԵՍԱՆԿՅՈւՆ"