Էկոնոմիկայի նախարար Ներսիս Երիցյանը հայտարարեց, որ ճգնաժամից Հայաստանը պատվով է դուրս եկել: Սակայն իրականությունն այլ է: Վերջին տասնօրյակում Նոյեմբերյան քաղաքում առաջին անհրաժեշտության սննդամթերքի թանկացում է տեղի ունեցել: Եթե նախկինում 1 կգ շաքարավազը վաճառվում էր 340 դրամով, հիմա` 350-380 դրամով: Թանկացել են նաեւ ձավարեղենը, ոսպը, մակարոնի որոշ տեսակներ, էլեկտրատեխնիկական ապրանքներ: Նոյեմբերյանի խանութների տերերը, ովքեր ապրանքը Երեւանից են ներկրում, ասացին,որ թանկացման պատճառը դրամի շարունակվող արժեզրկումն է, նաեւ մաքսակետերում ներկրողների ունեցած դժվարությունները:


Ոսկան Սարգսյան