Լուրեր [196] |
Բնապահպանական [11] |
Խմբագրական [5] |
Քրեական [7] |
Առողջապահական [5] |
Սոցիալական [6] |
Գյուղատնտեսություն [5] |
Դատական [7] |
Կրթություն [7] |
Վիդեոսրահ [1] |
Մշակույթ [5] |
Մարզական [9] |
Համայնք [21] |
02:43 Կազակները Տավուշի սահմանագոտու՞մ | |
ՀՀ տարածքային կառավարման նախարարության վեբ կայքի Տավուշի մարզպետարանի բաժնում տեղադրված է մարզպետարանի տեղեկատվության եւ հասարակայնության հետ կապերի բաժնի հաղորդագրությունը հոկտեմբերի 12-ին Տավուշի մարզ ՌԴ Կրասնոդարի երկրամասի պատվիրակության այցի մասին: Հաղորդագրության մեջ նշվում է, որ պատվիրակությունը համալրված էր Կրանոդարի հայկական համայնքի եւ հայկական կազակների միավորման անդամներով: Տավուշի մարզպետարանում ընդունելության ժամանակ «Հայկական կազակների միավորման գլխավոր ատաման, գեներալ-լեյտենանտ Կարեն Զադոյանը ներկայացրեց, որ արդեն 10 տարի Հայաստանում գործում է այդ կազմակերպությունը, գրեթե բոլոր մարզերում այն ունի ջոկատներ, պատրաստվում են նման ջոկատ ստեղծել նաեւ Տավուշի մարզում: Առաջարկին դրական արձագանքեցին եւ իրենց աջակցությունը հայտնեցին Տավուշի մարզպետ Արմեն Ղուլարյանն ու ոստիկանության Տավուշի մարզային վարչության պետ Խաչիկ Ասատրյանը:
Ո՞ր երկրի բանակի գեներալ-լեյտենանտ է Կարեն Զադոյանը: Տավուշի մարզպետարանի լրատվության եւ հասարակայնության հետ կապերի բաժնի վարիչ Անի Մելիքսեթյանն այս հարցին ի պատասխան ասաց, որ նա հայկական բանակի գեներալ է, աշխատել է մեր բանակի թիկունքի ծառայությունում, հետո կենսաթոշակի է անցել: Անի Մելքսեթյանի վկայությամբ` այդ հանդիպման ժամանակ պ-ն Զադոյանը եղել է գեներալական համազգեստով (խմբային լուսանկարը տեղադրված է կայքում): Դիմեցինք ՀՀ պաշտպանության նախարարություն: Նախարարության լրատվության եւ հասարակայնության հետ կապերի վարչությունից ասացին, որ հայկական բանակում Կարեն Զադոյան անունով գեներալ-լեյտենանտ չկա, որ նա ժամանակին ծառայել է հայկական բանակում, երեւի գնդապետի կոչում է ունեցել, որ նա կազակական զորքերի գեներալ-լեյտենանտ է, հայ-կազակական բարեկամության միության նախագահը: Բնականաբար, մի շարք հարցեր են ծագում: Արդեն 10 տարի Հայաստանում գործող հայկական կազակական միավորումը, որ բոլոր մարզերում ջոկատներ ունի, ընդհանուր քանի՞ զինծառայող ունի եւ ինչո՞վ է զբաղված եղել անցյալ տասնամյակում: Ո՞վ է պ-ն Զադոյանին շնորհել գեներալ-լեյտենանտի կոչում: Տավուշի մարզում ստեղծվելիք կազակական ջոկատը կլինի՞ մեր ազգային բանակի կազմում, թե՞ կհանդիսանա առանձին ստորաբաժանում, ինչպես պարտիզանական ջոկատ: Ինչու՞ է ոստիկանության Տավուշի մարզային վարչության պետն աջակցություն հայտնել դրա ստեղծմանը: ՈՍԿԱՆ ՍԱՐԳՍՅԱՆ | |
|
Всего комментариев: 0 | |