Հոկտեմբերի 19-ին կայացած Տավուշի մարզխորհրդի նիստում Իջեւանի տարածաշրջանի Սեւքար համայնքի ղեկավար Վլադիմիր Մարգարյանն ասել էր, որ համագյուղացի ոստիկանները համայնքապետարանին հարկի զգալի պարտքեր ունեն: Նիստին մասնակցող Տավուշի մարզի ոստկանապետ Խաչիկ Ասատրյանն այդ ժամանակ արդեն հեռացել էր դահլիճից: Մարզպետ Արմեն Ղուլարյանը այս առթիվ կես կատակ, կես լուրջ նկատեց, որ վերջինիս այդ մասին թերթում կկարդա: Սեւքարի գյուղապետից տղեկացա, որ մարզի ոստկանապետի միջամտության շնորհիվ հողի հարկի պարտք ունեցող ոստիկանները սկսել են մարել դրանք: Պարտք ունեցող 3 ոստիկաններից մեկը այն լիովին փակել է, իսկ մյուս երկուսի հետ, ներքին կարգով, պարտքերի մարման ժամանակացույց է կազմվել, եւ նրանցից յուրաքանչյուրն ամսական 10-15 հազար դրամ գումար  է մուծում: Գյուղապետը պարտքի կոնկրետ չափերի մասին տվյալներ չհայտնեց:

Ոսկան Սարգսյան