Օգոստոսի 13-ին, հետմիջօրեին Իջեւանում, Տավուշի մարզի առաջին ատյանի դատարանում պետք է շարունակվեր բռնաբարության գործով դատը: Այն անցնում է դռնփակ: Մեր ունեցած տվյալներով, իջեւանցի աղջկան Ոսկեվան են փախցրել ամուսնության նպխատակով, սակայն աղջիկը չի համաձայնվել ամուսնանալ առեւանգողի հետ: Գործով մեղադրվում են մի քանի հոգի: Մեղադրվողները կալանքի տակ են 2008թ. դեկտեմբերից:

Օգոստոսի 12-ի առավոտից մինչ երեկո փակ էր Բաղանիս-Ոսկեպար մայրուղին: Այդ պատճառով մեքենաները երթեւեկում էին շրջանցիկ, 2 տարի առաջ գործարկված ճանապարհով: Զինվորականները փակել էին հիմնական ճանապարհը, որովհետեւ շինտեխնիկայով` ՙԿամացու՚ եւ ՙԿիրովեց՚ տրակտորներով սահմանագոտում նոր, ռազմավարական նշանակություն ունեցող ճանապարհ են կառուցում: Դրանից անհանգստացած` ադրբեջանցիները երբեմն կրակ են բացում: